بويا
اتذكر ايام النضال السلبي بنادي العلويه و المشي ورا الحاتات
جان اكو سوأل يتوراى الى عقولنا المحدوده
البنات يلبسون حينزات ضيقه المصطلح العراقي : حصر خوش حجي
مشكلتنا جانت شلون يلبسوا . طبعا اخوني العراقيين ما يحبون يهمبلو هذا اللي يكلك صاحبتي تحط فازلين على رجلها وتلبسه و الثاني يكلك يمكن تخيطه على رجلهاو كثرالحديث عن التي اهواها ...
المهم ذاك اليوم عرفت شون ينزعوا بقت عليكم تعرفون شون يلبسوا.
شني السالفة
ذاك اليوم اني و اصدقاء ثنين جاسم و عدنان , كلنه اصدقاء و علاقتنا قوية. و دائما سوه فديوم من الضوجه كاعدين دنسولف . عله غفله واحد كال للثاني .
جاسم: ذاك اليوم ردت اشتريلك كتاب يفيدك
عدنان : شنوه ؟
''How to think like God'' :جاسم
عدنان : اي والله صارلي فتره دا ادور عليه !!
اني من يمي طفرت شني السالفه اشو صايره اللواكه علني مو معقوله يعني مو مال هذا الاحترام و التقدير من شوكت صارت هيج .
الحلو انو الشخص الاول لابس هدوم مثل الثاني و طريقه العيش مثله و هسه ديضحك مثله ايييع .
المشكله انو ثنينهم عزيزين و من تحجي عبالهم تفرق لو تغار .
على كلٍ محد منتبه على السالفه .
بس الفكره انو ليش اللوكي يتلوك للناس شنو عنده نقص بالثقه لو هوه متعود يكون تابع بس اهم تابع اما المتلوك لهُ يكون محاس انو اكو لواكه و يكبر بعين نفسه و يبدي يحتاج كتب التفكير مثل الاله المشكله هيه جنون العظمه عند البشر بس المشكله عدنان بس ينام و ياكل وين العظمه .
و فديوم كتله لاخويه جاسم شنو مثلك الي تمشي بي بهاي الدنيه كال : " تملق تتألق"
اذا هيج السالفه اني مثلي" لا تسوي موطا الازبري اطيب".
